Një shpresë e papritur Pesëmbëdhjetë vjet marrëdhënie politike dhe ekonomike italo-shqiptare (1961-1976)

Profesor Settimio Stallone, në Università degli Studi di Napoli Federico II, ka analizuar në thellësi periudhën kohore mes viteve 1961 e 1976, duke u ndalur më shumë në studimin e historisë së marrëdhënieve politiko-diplomatike mes Romës e Tiranës. Pasi u kapërcyen përfundimisht çështjet kryesore të reparacioneve të luftës dhe të kthimit në atdhe të qytetarëve italianë, ushtarakë e civilë, që mbaheshin në Shqipëri pas mbarimit të Luftës së Dytë Botërore, marrëdhëniet zyrtare disi më të zbutura gjetën një kanalizim më të vendosur për rritjen e mëtejshme të shkëmbimeve tregtare. Mbarëvajtja e tyre solli si rrjedhojë një proces progresiv uljeje tensioni, që mbështeti lindjen dhe përforcimin e mëtejshëm të marrëdhënieve të fqinjësisë së mirë, brenda një kuadri gjithsesi të paqëndrueshëm të politikës ndërkombëtare.